Viongozi wa Mtibwa Sugar hadi sasa wapo njia panda kufuatia kufungiwa kwa viwanja vyake vyote ilivyokuwa inachezea mechi za nyumbani kunako Ligi Kuu Bara.
Ikiwa ni wiki kadhaa tangu kufungiwa Uwanja wa Manungu, Mtibwa ilipangiwa kutumia uwanja wa Jamhuri ambao nao wiki hii umetangazwa kufungiwa na Bodi ya Ligi.
Akizungumza ofisa habari klabu ya Mtibwa, Thobias Kifaru, ambaye aliibuka na kusema kuwa hadi sasa wapo njia panda kuwa watatumia uwanja gani.
"Kiukweli hatujajua maana Manungu ilifungiwa na sasa Jamhuri nayo pia imefungiwa.
"Tunachoomba sisi TFF na Bodi ya Ligi waturuhusu tutumia huu wa Manungu sababu tunaingia kwenye gharama kubwa sana kupeleka timu Jamhuri, inakuwa kama tunaenda ugenini.
"Tunawaomba TFF watusaidie kwa hili hata kwa kipindi hiki tukiwa tunaelekea kujenga uwanja wetu wenyewe."
0 Comments: